Los direutivos súmense a l’afición del Rosal F.C. na campaña pa popularizar los precios del fúbol asturianu, viendo’l partíu dende fuera’l campu

“Non más de 5€ por ver fúbol asturianu. Precios populares = campos enllenos” ye’l llema d’esta campaña, que dende’l branu pasáu reclama defende precios pa fomentar l’asistencia a los campos de fúbol asturianos

Dende esti equipu asturianu de Primera Autonómica son coscientes de la precariedá de la situación socioeconómica de la población del país y la consecuente perda de capacidá alquisitiva, polo que proponen precios más baxos qu’afalen a la xente a acudir a los partíos. Siendo coherentes coles sos idegues, traten de negociar la baxada del preciu de los partíos con cada équipu, algamando en munchos casos el so oxetivu: entraes a 5€ o menos.

Al nun ser quien a algamar un alcuerdu col Pumarín CF, quienes finalmente vendieron les entraes a 8 €, tanto l’afición como los direutivos quedaron fuera y vieron el partíu dende l’esterior.

Los siguiores del Rosal CF ya lo ficieren asina nel partíu de día, ensin que’l Pumarín CF reculare na so decisión de cobrar les entraes más altes. El resultáu foi que nun cobraron denguna.

This work is licensed under a Creative Commons Attribution 4.0 International License.