Presta ver el reconocimientu d’un de los nuesos platos tradicionales pel mundiu, pero al tiempu rincha ver la fabada cola botella rioja

Fasta’l díi 18 de febrero cellébrase en 28 restorantes madrilanos y otros 20 asturianos la Ruta de la fabada, na so cuarta edición en Madrid y por primer vegada n’Asturies, una oportunidá pa dar a conocer la nuesa gastronomía más auténtica que, según el so organizador, Nacho Sandoval,  pue ser importante a la hora de dar `pùxu al turismu gastronómicu.

La fabada, sicasí, queda coxa: na Ruta úfrese acompangada de vinu de Rioja; non sidra, non Vinu de Cangas, non, Rioja. Ignoramos si’l problema deriva d’ignorancia por parte de la organización, desméritu pa lo asturiano o falta de disposición a participar nel eventu por parte de los llagares y bodegues asturianes, pero, con tol respetu pa los productores del vinu de la Rioja, cuya calidá ta bien reconocía, ye un despropósitu fomentar el turismu gastronómicu d’un país con bébora d’otru.  

De la mesma manera échase en falta’l respetu a la toponimia, ciertos comu tamos de que’n Madrid nun tendríen dala dificultá pa pescanciar la pallabra “Asturies”.

Llucía F. Marqués

This work is licensed under a Creative Commons Attribution 4.0 International License.