Andecha Astur denuncia l’intencionáu escaezu del MCCC Aniversariu del ñacimientu del Reinu d’Asturies
Enxamás l’aniversariu del ñacimientu d’una de les naciones de la Europa moderna suscitó tan pocu interés. Según les declaraciones de Paulo Arboleya, voceru d’Andecha Astur, esta ye “la estratexa d’escaezu promovida polos que naguen pola desapaición d’un pueblu con mil trescientos años d’hestoria.”
Añu 718, la coronación de Pelayo comu prínceps o cabezaleru de los astures da aniciu a una de las naciones con más historia de toa Europa. Asturies defínese comu tal ya entama a recuperar territorios ya espandir les sos llendes nun procesu de más de mediu sieglu que la llevaría a ocupar tol noroeste peninsular, dende Oporto fasta Álava, col treslladu intermediu de la so capital a Lleón.
Añu 2018, la hestoria d’Asturies ta en pelligru de ser escaecida polos sos propios moraores. Dende Andecha Astur denuncien qu’esto solo ye posible por mor d’un continúau llabor de tracamundiu, mentira y ocultación por parte de España, un estáu con menos de la metá d’hestoria (escasamente 525 años) pero que s’impuso comu obligación desaniciar les identidaes de les naciones que carecen el so xugu.
Pel mediu, mil trescientos años. ¿Onde tan les celebraciones? ¿onde los actos multitudinarios? ¿onde les banderes, onde’l pueblu, arguyosu de la so hestoria?. Dende’l “Principado” pidin que “qu’esti añu finare’n Cuadonga una de les etapes asturianes de la ronda ciclista española”. A nivel istitucional, eso ye tou.
Nuria Prendes
This work is licensed under a Creative Commons Attribution 4.0 International License.
