Más españolismu folclóricu en Riosa

  • 31 Xineru, 2018

Pesi a les critiques recibies l’añu pasáu pola aculturización implícita nesta cellebración fuera de llugar, Riosa prepara otra feria andaluza

El conceyu  Piloña vien d’anunciar la so intención de cellebrar  un añu más l’esperpentu d’una feria andaluza (mui respetable y de xuro prestosa nes sos tierres) en medio Asturies, seique esti evento nun respuende a dengún criteriu social, ello ye, en Piloña nun hai dengún colleutivu andaluz, nin rellación especial con dengún ayuntamientu nin organización andaluza dala.

La rempuesta de los vecinos, enfrentaos nesta iniciativa nun se fizo esperar, ayeri mesmo un vecín de Piloña, espresaba’l so descontentu cola iniciativa “Tenemos grandes coses pa nun necesitar nada d’otres cultures pa facer unes fiestes envidiables.Yo soy piloñes y nunca fui, el díe que m’interese la cultura y bailes andaluces, voy direutaente a Andalucia, nun  m’interesaron les copies chines.”

Nun sedrá la única, ye fácil topar sofitos istitucionales ya empresariales a eventos d’esta triba qu’esacerben un españolismu firiente, al tiempo que les cellebraciones afitaes nes tradiciones del páis s’alcuentre con toles torgues posibles y bien pocu sofitu.

Dende l’asturianismu vese un claru niciu d’adoctrinamientu nesta flamenquización artificial del pueblu asturianu, al que se fai por caltener n’ayén de la propia cultura al tiempu que se da puxu y perres a la tradición ayeno. “lo qu’esmolez ye’l descomanáu enfotu de forciar l’asimilación españolista d’asturies por tolos medios. La utilización d’estes folcloraes p’averar a la población a un sentir que nun ye’l de so nun ye sinón una más de les tretes emplegaes p’anular la identidá asturiana a tolos niveles, simple y cenciella represión cultural” declaró Pablo Arboleya, voceru d’Andecha Astur, dexando nidio que nun se trata de denguna fobia escontra los andaluces, porque “No fondo, propiu pueblu andaluz vese perxudicáu por esi seudofolclor elleváu a la categoría de sencia ultraespañolista”

Nel casu de Riosa, nun s’avergoñen de decir que nun tienen perres pa les comisiones de festexos del pueblu nin pa la cultura asturiana, al tiempu que s’entama una parodia flamenquista de la “Feria de Abril”

Llucía F. Marqués

This work is licensed under a Creative Commons Attribution 4.0 International License.

2 Comments Already

  1. Cuánto m’estraña de Riosa… paezme que debió tracamundiase’l datu.

  2. Rectifico… Toi ablucáu!

Dexa una rempuesta

La so direición de corréu lleutrónicu nun sedrá espublizada. Los campos precisos tan marcaos *

Este sitio emprega Akismet para reducir o spam. Aprende como se procesan os datos dos teus comentarios.

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies. ACEPTAR

Aviso de cookies