• Portada
  • >
  • Asturies
  • >
  • Medra’l desfase pente’l gastu en pensiones ya ingresos de la Seguridá Social

Medra’l desfase pente’l gastu en pensiones ya ingresos de la Seguridá Social

  • 9 Xineru, 2018

Esti desfase nun tendría porque ser esmolecedor si la caxa de les pensiones nun se tocare, ya que los qu’agora tienen que cobrar ya cotizaron lo de so

Asturies lleva delles décades  ingresando menos na Seguridá Social de lo que perciben los sos xubilaos, como ye d’esperar nuna población menguante ya envieyecío, cola población más moza emigrao o en paru.

El caberu añu’l gastu en pensiones medró a un ritmu superior al 2,5% , después del incrementu del 1,9% nel 2.016, calculándose que’l gastu nes pensiones de los asturianos ronde los 4.600 millones d’euros. Al mesmu tiempu, les cotizaciones a la Seguridá Social estancaron, calteniéndose bien perbaxo esta cifra.

Los asturianos y asturianes que güei cobren xubilación cotizaron en so díe pa tener asegurao la so paga, de la mesma mena que les perres que güei apurren los trabayaores tendrían de reservase pa qu’estos cobren nel futuru. Sicasí, la política de gastos del estáu español lleva dando ya dellos tixeretazos al fondu de pensiones, lo qu’obliga esti añu non solo a utilizar nos pagos tolo cotizao sinón a endeldar más la buchaca de les pensiones con préstamos, dexando un panorama enforma duldosu sol futuru de los qu’agora coticen.

Nuria Prendes

This work is licensed under a Creative Commons Attribution 4.0 International License.

Dexa una rempuesta

La so direición de corréu lleutrónicu nun sedrá espublizada. Los campos precisos tan marcaos *

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies. ACEPTAR

Aviso de cookies