Quince años de Tarrancha

  • 2 Xineru, 2018

El grupu asturianu de música de fusión La Tarrancha, cumple 15 años enrriba los escenarios y dende la so primer grabación d’estudiu

Pa cellebralo van asoleyar la prósima primavera el so nuéu trabayu discográficu  -el sestu- , “Baillando con Llobos”, nel que partiendo de la base’l Ska, métense’n sones acústicos y distorsiones, aires balcánicos, llatinos, norteafricanos, pingarates de música tradicional asturiana, pingarates celtes, guiños punks o metaleros, pero tamién al swing, al reggae, al ragga, al rap n’otros… Vamos, pa tolos gustos, como ye vezu nos trabayos d’esta banda, especialista en coordinar impecablemente estilos.

La so intención ye presentar esti trabayu con una xira “enllena de folixa, fuercia, nerviu y allegría” baillando con lloques y llocos, como vienen faciendo estos 15 años. Entá yos queden feches llibres y nun quieren que “ningún festival, fiesta práu, ni ningun pueblu, villa o ciudá, pierda la oportunidá de gociar de la folixa, y de baillar hasta quedar derrangaes.”

Llucía F. Marqués

This work is licensed under a Creative Commons Attribution 4.0 International License.

1 Comment Already

Dexa una rempuesta

La so direición de corréu lleutrónicu nun sedrá espublizada. Los campos precisos tan marcaos *

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies. ACEPTAR

Aviso de cookies