Caberu conciertu XXX Aniversariu Dixebra

  • 28 Avientu, 2017

 

El vienres 29, la banda de rock asturiana Dixebra remata con un conciertu n’Uviéu la riestra d’actividaes coles que vienen cellebrando’l so 30 aniversariu

Dende la creación de la banda, nel añu 1987, Dixebra vien siendo un referente nel panorama musical asturianu polos sos cancios de fuerte conteníu políticu y nacionaliegu -nun ta mui nidio si dalgún de los sos primeros cancios sedríen delitu de ser llanzaos baxo la llei mordaza-. Una docena de discos y dellos cientos de conciertos sepártenlos d’aquelles primeres maquetes grabaes en cassete col glayíu de “Grieska”.
El 2017 foi pa la hestórica formación un de los años más intensos, cola cellebración de los sos 30 años ininterrumpíos de percorríu musical. Doce meses d’actividaes que finen cuasi col añu con un conciertu folixa na uvieina sala Tribeca.
A lo llargu d’esti añu pudimos velos per bona parte de la xeografía asturiana y parte de la foriata na so xira “Tour 87-17”, espublizaron el vidiu autobiográficu “Sigui’l tren”, etiquetaron sidre col so Canciu d’amor y sacaron a la lluz a traviés de les redes abondo material inéditu y d’hemeroteca que permitió a los sos fans siguilos al detalle.
Esti caberu conciertu ta pensáu más como folixa que comu tal y nelli regalarán a los asistentes un discu esclusivu con cuatro cancios entituláu “Dalgo vieyo. Dalgo nuevo. Dalgo emprestao”, qu’ inclui dos temes míticos del so repertoriu («Da-yos caña» y «Esto ye Asturies»), otru inéditu («Sigue’l tren») y una versión de la banda británica Oyster Band reconvertía en «Adiós, Cordera», grabaos cola collaboración de dalgunos de los nomes más conocíos de la escena folk asturiana.

Llucía F. Marqués

This work is licensed under a Creative Commons Attribution 4.0 International License.

Dexa una rempuesta

La so direición de corréu lleutrónicu nun sedrá espublizada. Los campos precisos tan marcaos *

Este sitio emprega Akismet para reducir o spam. Aprende como se procesan os datos dos teus comentarios.

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies. ACEPTAR

Aviso de cookies