• Portada
  • >
  • Conceyos
  • >
  • L’alcalde de Bimenes respuende a los comentarios asturófobos de los conceyales castrillonenses del PP

L’alcalde de Bimenes respuende a los comentarios asturófobos de los conceyales castrillonenses del PP

  • 4 Avientu, 2017

Dientro del alderique pol respetu a la llingua y a la cultura del país, ensiértase l’alderique pol respetu a los valores propios del nuesu pueblu

Demientres el plenu del conceyu de Castrillón nel que se decidió aprebar el sofitu a la oficialidá del asturianu, el conceyal del PP Pablo González-Nuevo Quiñones criticó l’usu del asturianu nuna Casa Conceyu, calificándolo de “illegal” ya “esperpéntico” dexando claro la so ignorancia y falta d’interés al declarar que  entendiere mediu discursu y que tampoco nun quería entendelu y siendo sofitáu nel espolín pol ‘popular’ José Antonio Fernández Alonso, quién glayó que “nun quier que lu llamen aldeganu”.

De magar estes intervenciones y seique los partidarios del asturiano foron mayoría, son munches les voces que se van declarando ofendíes poles pallabres de los conceyales. Aitor García foi un de los que se dio por aludios y nel discursu fechu por mor de la entrega de premios del Concursu Cuentos pola Oficialidá, retruco-yos emponderando los valores de lo qu’esta xente llama ser “aldeganu, el saber trabayar, respetar y conocer una cultura de sieglos”, contraponiéndolos a los bien conocíos  “valores M.Rajoy”. “Que nun me llame Mariano Rajoy, porque nun voi consentir que se m’insulte. Aldeganu, si, a muncha honra.”

Llucía F. Marqués

This work is licensed under a Creative Commons Attribution 4.0 International License.

Dexa una rempuesta

La so direición de corréu lleutrónicu nun sedrá espublizada. Los campos precisos tan marcaos *