Énte la negativa de la empresa de llimpieza Llacera a caltener una xunta col Comité d’empresa pa solucionar  el conflictu, siguen  les concentraciones

Esta mañana los trabayadores del HUCA tornaron  a concentrase énte les oficines de Gispasa nel Hospital Central, pa desixir que la empresa que xestiona los servicios de llimpieza nel mesmu, Llacera, cumpla coles sentencies y los compromisos que tien cola so plantiya.

La empresa sigue ensin abonar a los sos emplegaos lo que-yos correspuende, una media de 500 euros por trabayaor, delda que surdió tres la reconocencia xudicial del so drechu a la equiparación salarial al personal funcionario, ensin qu’hasta’l intre, nin Gispasa como entidá xestora del hospital, nin el Principáu” como representación de l’alministración pública, tomaren nenguna midida por que Llacera faiga efectivos los pagos.

Redaición InfoAsturies

This work is licensed under a Creative Commons Attribution 4.0 International License.