• Portada
  • >
  • Conceyos
  • >
  • El PSOE avilesín escluye l’asturianu del reglamentu orgánicu municipal

El PSOE avilesín escluye l’asturianu del reglamentu orgánicu municipal

  • 9 Novembro, 2017

 

El proyeutu pal nuevu Reglamentu Orgánicu Municipal (ROM) elimina l’únicu artículu nel que se fai mención a la llingua asturiana

El Grupu Municipal Socialista vien de presentar nel Ayuntamientu d’Avilés un proyeutu de reglamentu nel que s’elimina l’artículu númberu 19, aprebáu nel añu 1.988 y que ye  l’únicu d’esti testu normativu que fai referencia a la llingua asturiana.

Esfarrapando toles esperances puestes en que la “nueva posición” del PSOE frente a la llingua asturiana permitiere correxir y meyorar l’artículu entituláu “Lengua”, adautándolu a les necesidaes actuales, el nueu testu nun recueye dala mención al asturianu.

El testu alcordáu a finales del sieglu pasáu ye nidiamente insuficiente y fai una reconocencia mui escasa de los drechos llingüísticos de los asturfalantes, pero reconoz a lo menos la cuestión con un testu nel que diz lliteralmente: «Les convocatories de les sesiones, los órdenes del díi, mociones, votos particulares, propuestes d’alcuerdu y dictámenes de les Comisiones Informatives se redactaránse en tou casu en llingua castellana. Asinamesmo previu alcuerdu plenariu nesti sen tamién podrán redactase en bable. Nos alderiques podrán utilizase indistintamente la llingua castellana o’l bable, si bien nesti casu al acta trascribiránse les intervenciones en castellán».
El ROM ye ún de los elementos llegales más importantes pal funcionamientu formal nos ayuntamientos, yá que ye’l que regula los procedimientos alministrativos de los órganos que los formen, les atribuciones de caún d’ellos o les competencies d’alcaldía y del Plenu, ente otres munches cuestiones, colo que la supresión d’esti artículu por parte del PSOE avilesín supón una inseguridá xurídica p’aquellos grupos y conceyales qu’usen l’asturianu de manera avezada nes sos comunicaciones escrites y orales.

Redaición InfoAsturies

This work is licensed under a Creative Commons Attribution 4.0 International License.

Deixa unha resposta

O teu enderezo electrónico non se publicará Os campos obrigatorios están marcados con *