Medren un 70% los concursos d’acreedores

  • 7 Novembro, 2017

Dende’l 2013 son alrodiu de 600 los espedientes tramitaos por esti motivu, correspondiendo la gran mayoría a empreses en quiebra, polo que caúna d’elles implica a dellos trabayaores

El númberu de debedores concursaos n’Asturies, incluyendo empreses en suspensión de pagos y persones  físiques, medró  nun 70% esti trimestre, en rellación a les mesmes feches del añu pasáu.. El concursu d’acreedores inclúi les situaciones de quiebra y les de suspensión de pagos.

En concretu fueron 17 les persones físiques o xurídiques que se vieron nuna situación d’insolvencia na que nun pueden faer frente a la totalidá de los pagos que deben. D’estes 17, cinco correspuenden con persones físiques y 12 con empreses, ente les que destaca’l concursu a seis farmacies.

El sector farmacéuticu nun se viera afeutáu hasta’l momentu por estos concursos, pero entamen a acusar les midíes aprebaes de magar 2010;  Na práutica, los decretos llei aprebaos hai 7 años suponen una cayida nes vientes, l’amenorgamientu de los marxes comerciales y la consiguiente perda de rentabilidá que llevaron a esti seutor a una difícil situación.

Llucía F. Marqués

This work is licensed under a Creative Commons Attribution 4.0 International License.

Deixa unha resposta

O teu enderezo electrónico non se publicará Os campos obrigatorios están marcados con *