Festival Internacional de Curtiumetraxes CINESAN

  • 3 Payares, 2017

L’Acorazáu Potemkim Preslló la estaya “Homenaxe a los Pioneros del cine” del Festival Internacional de Curtiumetraxes CINESAN

Dica’l 5 d payares podrá siguir esfrutándose d’esti Festival de Curtiumetraxes qu’incluye delles estayes, aparte de la ya finada “Homenaxe a los Pioneros del Cine”. Nos próximos díes desendolcaránse dientro les actividaes del Festival les proyeiciones de les estayes temátiques thriller, Cinesán documental, Cinesan infantil y les actividaes d’OFF CINESAN, onde destaquen una esposición sobre’l cine nes cuenques mineres y una charla sobre’l tratamientu que se fai de la muyer nes películes de ciencia ficción, al cargu de Jimena Escudero.
Dientro de la estaya paralela “Homenaxe a los pioneros del cine”, el Festival Cinesan realizó la proyección de la obra maestra de Sergei M. Eiseistein, rodada nel añu 1925, “l’Acorazáu Potemkim”, Una película que punxo les bases a munchos aspeutos del llinguaxe cinematográficu, especialmente no que cinca al procesu de montaxe.

La versión que pudieron ver los espectadores de Cinesan tien los intertítulos n’asturianu y  apúrrela la productora asturiana Widjets Media que, destamiente, collabora cola programación del Festival.

Redaición InfoAsturies

This work is licensed under a Creative Commons Attribution 4.0 International License.

Dexa una rempuesta

La so direición de corréu lleutrónicu nun sedrá espublizada. Los campos precisos tan marcaos *

Este sitio emprega Akismet para reducir o spam. Aprende como se procesan os datos dos teus comentarios.

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies. ACEPTAR

Aviso de cookies