Llevaba dende’l 2004 ensin cellebrase

Con motivu del 30º aniversariu de la I Xunta d’Escritores Asturianos, desendolcada en Villamayor en 1987, foi cellebrada por iniciativa de la Conseyería de Cultura una nueva edición d’esti foru lliterariu.

L’alcuentru foi cellebráu’l sábadu 28 y el domingu 29 na villa de Caveda y Nava, cuntando cola participación de más d’un centenar d’escritores o de profesionales venceyaos a la industria editorial.

Unos 54 autores aldericaron a lo llargo de diez meses redondes, cellebraes nel Teatru Riera y na Casa de los Hevia, sobro temes tan diversos como’l relevu xeneracional de la lliteratura asturiana, la traducción al asturianu dende otres lliteratures nacionales, el papel de los medios de comunicación, la lliteratura infantil y xuvenil, o la crítica lliteraria, ente otros.

Tamién foi presentáu’l documental Escribiendo’l camín, 30 años de xuntes d’escritores asturianos asina como un númberu especial de la revista d’autores nuevos Formientu.

This work is licensed under a Creative Commons Attribution 4.0 International License.