Los Sidrocoles anicien temporada en Corvera

  • 31 Ochobre, 2017

Los talleres sidreros pa rapacinos percuerren les escueles d’Asturies mayando y espardiendo la cultura asturiana pente la reciella

Seronda ye tiempu de mayar sidre y non solo nos grandes llagares. Son munches les families asturianes que mayen pa en casa y dende va unos siete años, tamien son abondos los colexos nos que los escolinos se faen llagareros por un díe. Los Sidrocoles, talleres entamaos pola Fundación Asturies XXI nel so enfotu por esparder y caltener la cultura asturiana, son un ensame d’actividaes qu’averen a los neños y neñes a una parte tan importante de la nuestra tradición como ye la cultura de la sidra, a traviés de prestosos talleres nos que van garrando los conocimientos básicos de tou llagarero

Esti añu los primeros en mayar son los rapacinos del C.P. Los Campos, en Corvera, que cellebren güei la so mayada. Nesti cole ya son unos expertos, lleven cuatro años mayando y celebrando otres actividades alrodiu la cultura sidrera, siendo ún de los colexos acoyíos al proyeutu de recuperación pomolóxica de la Fundación Asturies XXI, con dos pumares llantaos nel práu del so patiu.

Amás de en Corvera, esti añu va mayase’n dellos colexos de Xixón, Llaviana, Uviéu y Avilés, siendo más de cinco mil los escolinos participantes.

Redaición InfoAsturies

This work is licensed under a Creative Commons Attribution 4.0 International License.

Dexa una rempuesta

La so direición de corréu lleutrónicu nun sedrá espublizada. Los campos precisos tan marcaos *

Este sitio emprega Akismet para reducir o spam. Aprende como se procesan os datos dos teus comentarios.

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies. ACEPTAR

Aviso de cookies