Amás de la importancia in situ d’esta actuación, valoróse positivamente que’l “Principado” entame a reconocer la importancia de la búsqueda de persones desapaecíes nel trescursu de conflictos políticos, como los vivíos hai unes décades n’Asturies, qu’entá cuenta con numberosos desapaecíos y families que siguen esperando rempuestes

l’Axencia asturiana de cooperación vien d’aprebar un proyeutu del comité internacionalista Soldepaz.Pachakuti qu’apoya la búsqueda de persones desapaecíes en Colombia y la entrega digna de sos restos a sos families y organizaciones.

“Contribución a la paz territorial, con enfoque de xéneru, desde la búsqueda de persones desapaecíes y  non identificaes en cementerios del Departamentu de Nariño” ye’l títulu del proyeutu asumíu pol gobiernu asturianu. Nariño ye’l  Departamentu al que pertenez Tumaco, llugar onde se produxo la penúltima matanza de campesinos colombianos. L’añu anterior una delegación asturiana viaxare a esa zona a estudiar la situación de los DDHH.

El proyeutu enmarcase tamién nos oxetivos estratéxicos del Plan de Desendolcu de la Gobernación “Nariño, Corazón del Mundu  2.016-­2.019”, y beneficiará direutamente a 120 families víctimes de desapaición de sos familiares y a los 40  funcionaries/os  de  les  Instituciones  públiques  que  formen  parte  de  la  Mesa Departamental contra les desapaiciones forciaes. Amás el proyeutu xenerará indireutamente   impautos  positivos  sobre  alrodiu de 2200  persones, familiares  de  les  persones  daes por   desapaecíes na rexón de Nariño, frontera con Ecuador.

Redaición InfoAsturies

This work is licensed under a Creative Commons Attribution 4.0 International License.