48.000 asturianos nun lleguen a los 350 € al mes

  • 17 Outubro, 2017

Dende l’añu 2.008 la probitú severa n’Asturies amontóse un 150%, siendo más notable esta medría nel caberu añu

L’avieyamientu de la población xunese a la bayura de pensiones misérrimes, al paru y a los trabayos d’ínfima calidá pa crear una bolsa de probitú severa qu’algama a alrodiu de 48.000 asturianos, que se ven obligaos a subsistir con menos de 342 euros al mes; ye esmoleceor l’eleváu númberu de persones (40.660) que s’atopen n’una situación de privación material severa, ello ye, que nin siquier pueden cubrir afechiscamente les sos necesidaes alimenticies. Amás, otros 140.000 asturianos viven per debaxo la llende de probitú, lo qu’implica que cunten  con menos de 530€ d’ingresos mensuales.

Los datos, apurríos pola lo Rede Europea de Llucha contra la Probitú y l’Esclusión Social, foron presentaos oficialmente ayeri na Xunta Xeneral del “Principado”, anque la situación yá yera conocida pol gobiernu, ensin qu’hasta’l momentu se punxéren enriba la mesa les necesaries midíes de reactivación económica que dexen xenerar emplegos de calidá, imprescindibles pa salir d’esta coxuntura.

Redaición InfoAsturies

This work is licensed under a Creative Commons Attribution 4.0 International License.

Deixa unha resposta

O teu enderezo electrónico non se publicará Os campos obrigatorios están marcados con *