• Portada
  • >
  • Asturies
  • >
  • Facienda controla a los vecinos que trabayen n’andecha

Facienda controla a los vecinos que trabayen n’andecha

  • 30 Setiembre, 2017

Echar un gabitu a la dir a la yerba, pañar mazanes n’andecha, dir a la gueta colos del pueblu, iguar un camín en sestaferia… toes estes actividades son susceptibles de ser persiguíes llegalmente como “trabayu en prieto”

L’Axencia Tributaria española persigue les collaboraciones voluntaries pente vecinos como trabayu lilegal. Seique los primeros casos se dieron na vecina Galicia, onde se bien repitiendo n’abondes ocasiones, n’Asturies tamién entamen aportar noticies de visites de funcionarios de la ispeción de trabayu “escoltaos pola guardia civil” pa comprobar que nes llabores del campu participen namás los propietarios de les finques y personal contratao. Fasta l’intre trátase namás de “visites informaores” nes que s’avisa a los trabayaores de que podríen entamar a recibir multes por “favorecer la economía somorguiao”

Andecha y Sestaferia son les dos formes más tradicionales del trabayu en comuña n’Asturies, seña importante de la nuesa identidá y bases del mesmu conceutu de comunidá. La collaboración nes xeres agrícoles y nes llabores de beneficiu comunal son indicatives del calter solidariu de les nueses xentes y catalogales como “trabayu en prieto” un despropósitu que namás puede entendese ante’l total desconocimientu de les tradiciones y formes de vida de los asturianos.

Llucía F. Marqués

This work is licensed under a Creative Commons Attribution 4.0 International License.

Dexa una rempuesta

La so direición de corréu lleutrónicu nun sedrá espublizada. Los campos precisos tan marcaos *

Este sitio emprega Akismet para reducir o spam. Aprende como se procesan os datos dos teus comentarios.

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies. ACEPTAR

Aviso de cookies