VI premios Xixón con Calidá

  • 21 Setiembre, 2017

l’Asociación de Xixón pa la Calidá Turística vien d’entregar estos premios, creaos nel 2.011, que reconocen el llabor de les empreses del conceyu que meyor participen nos proyeutos empobinaos a meyorar la competitividá del seutor turísticu llocal

Xixón Calidá Turística ye una asociación ensin ánimu de lucru que trabaya col seutor turísticu xixonés pa meyorar la competitividá empresarial y la del destín. Añalmente premien a aquelles empreses que meyor s’axusten a los programes entamaos a favor del turismu de calidá en Xixón.

La entrega de premios aconceyó a cuasi un centenar d’empreses turístiques de la ciudá, de les que namás cuatro algamaron el galardón, otorgáu en función de los parámetros de calidá, accesibilidá y caltenibilidá Esti añu los premios foron pa dos chigres, una empresa de distribución alimentaria y otra d’eventos, daqué que da una pista clara enforma de cuales son los principales atractivos  turísticos de la ciudá.

 

Nesta  edición el premiu a la “Empresa Xixón Turismu Responsable 2017” recayó en MG.LAB, empresa organizadora d’eventos que destaca pola caltenibilidá de los mesmos.

EL Restaurante Parrilla Muñó algamó’l premiu a la meyor “Empresa Xixón Turismu Accesible 2017” pola acesibilidá de les sos istalaciones pa les persones con movilidá reducida y necesidaes especiales. Esti establecimient cuenta col cuñu d’Accesibilidá Universal de PREDIF y forma parte del Programa d’Accesibilidá Turística de Xixón.

La Empresa Xixón con Calidá 2017 foi COALLA GOURMET, especializada na distribución de vinos y productos gourmet que cuenta con una tienda gastronómica d’altu nivel nel cientru de Xixón.

Pa finar, el premiu “Xestor Xixón con Calidá 2017” recayó nel xerente del Restaurante Merenderu El Cruce, Luis Meana Suárez, de quien  Xixón Calidá Turística destaca “el so enfotu constante nel ameyoramientu de la xestión del so negociu, de les instalaciones y l’atención al veceru, siendo la implicación y la capacidá de comunicación y coordinación del equipu de trabayu dos de los sos valores más sorrayables.

Llucía F. Marqués

This work is licensed under a Creative Commons Attribution 4.0 International License.

Dexa una rempuesta

La so direición de corréu lleutrónicu nun sedrá espublizada. Los campos precisos tan marcaos *

Este sitio emprega Akismet para reducir o spam. Aprende como se procesan os datos dos teus comentarios.

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies. ACEPTAR

Aviso de cookies