Candamu recupera los sos nomes

  • 20 Setiembre, 2017

La nueva toponimia oficial ta basada nun estudiu de campu realizada pola Xunta Asesora de Toponimia, qu’entrevistó a los vecinos del conceyu

Vien de ser aprobada, tres la presentación de dellos allegamientos a la primer llista propuesta, la nueva toponimia que recupera los  nomes tradicionales de Candamu. La propuesta foi ratificada por unanimidá nel Plenu del Conceyu dempués de que la Xunta Asesora aceptara tolos allegamientos municipales, dalguna tan polémica como la de Gurullos, denominación que foi refugada a favor de la más conocida de “Grullos”.

La toponimia caltién una doble denominación doble para’l conceyu (Candamo/Candamu) y ta basada nun estudiu de campu y en numberoses entrevistes colos vecinos. Darréu entamarán les igues na páxina web del conceyu y na cartelería de les carreteres.

Dempués de la recuperación toponímica de Candamu, entá son 25  de los 78 conceyos asturianos los que caltienen la toponimia acastellanada impuesta na dómina franquista.

La Xunta Asesora de Toponimia sigue col so trabayu y espérase qu’en curtiu sían aprobaos los decretos de toponimia correspondientes a los conceyos de Tinéu, Peñamellera Alta  y Tapia de Casariegu. Los siguientes na llista, col trabayu bien avanzáu, son los de Llanera, Onís, Cuaña, Cabrales, Llanera, Castropol, -yos Regueres, Somiéu y Sotu’l Barcu. Menos avanzaos tán los espedientes de Cuideiru, Villayón, Ayande, Caravia, Ibias, Peñamellera Baxa, Salas, Santirso d’Abres y Uviéu.

Redaición InfoAsturies

This work is licensed under a Creative Commons Attribution 4.0 International License.

Dexa una rempuesta

La so direición de corréu lleutrónicu nun sedrá espublizada. Los campos precisos tan marcaos *

Este sitio emprega Akismet para reducir o spam. Aprende como se procesan os datos dos teus comentarios.

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies. ACEPTAR

Aviso de cookies