• Portada
  • >
  • Asturies
  • >
  • El Principáu dexa ensin ayudes a la ONG qu’acueye a mozos ensin llar

El Principáu dexa ensin ayudes a la ONG qu’acueye a mozos ensin llar

  • 18 Setiembre, 2017

El centru atiende a once persones que vivíen na cai

La ONG “Identidad para Ellos” foi creada n’abril de 2002 col fin d’integrar a mozos d’ente 18 y 25 años en situación o en riesgu d’esclusión social, especialmente los mozos tutelaos na minoría d’edá pola alministración pública qu’una vegada que llegaben a los 18 años quedaben totalmente desamparaos na cai ya ensin recursos, munchos de los cualos proveníen d’un entorniu familiar y social especialmente complicáu.

Nestos años atendió a 157 mozos, ente 15 y 20 al añu, por embargu agora’l so programa Amadeo col que guetaba casa, formación y empléu pa estos mozos nun algamó la puntuación riquida poles bases de la convocatoria d’ayudes públiques de la Conseyería de Servicios y Drechos Sociales del Principáu.

Según la ONG dende’l Principáu suxúren-yos guetar financiación na partida de sobvenciones de la infancia del viniente añu, pa lo cual tendríen qu’acreditase como entidá especializada n’infancia.

This work is licensed under a Creative Commons Attribution 4.0 International License.

Dexa una rempuesta

La so direición de corréu lleutrónicu nun sedrá espublizada. Los campos precisos tan marcaos *

Este sitio emprega Akismet para reducir o spam. Aprende como se procesan os datos dos teus comentarios.

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies. ACEPTAR

Aviso de cookies