• Portada
  • >
  • Asturies
  • >
  • Andecha Astur convoca un “Referéndum simbólicu” pal 8 Setiembre

Andecha Astur convoca un “Referéndum simbólicu” pal 8 Setiembre

  • 5 Setiembre, 2017

L’actu tendrá llugar a les 13:30 na Plaza la Catedral, darréu del manifiestamientu que convoca“Lluchando Pola Soberanía” y que saldrá del 8 Paséu los Álamos, col llema “Lluches vieyes pa un país nuevu”. Dende Andecha Mocedá animen a acudir y tamién a participar nesti díi a traviés de les redes sociales, col hastag #AsturiesYeNación

Na cellebración del Díi la Nación Asturiana Andecha Astur quier incidir na reivindicación del Drechu a Decidir y con esa xida sumarán a l’avezada concentración un “referéndum” qu’entamará a la una y media y que simboliza la necesaria democratización de la que carez  un país al que nun se permitió decidir al traviés del votu nin el so propiu nome nin  muncho menos l’estatutu que regula caún de los aspeutos fundamentales de la política asturiana.

Andecha Astur persabe que la situación que se vive agora mesmo n’Asturies nun permite falar de procesos costituyentes como’l que ta teniendo llugar en Cataluña pero consideren preciso reclamar el drechu a decidir del pueblu asturianu “Denunciamos la situación que carecemos n’Asturies, onde se mos impunxo dende Madrid un ente autonómicu, el “Principado”, y un Estatutu d’Autonomía ensin permití-y al Pueblu Asturianu’l drechu democráticu a pronunciase en referéndum, drechu que sí permitieron a gallegos, vascos, andaluces, catalanes…. y que fai de los asturianos y asturianes ciudadanos de segunda categoría.”

Lluchando Pola Soberanía comparte l’oxetivu d’amosar a la sociedá asturiana que l’apueste pola soberanía d’Asturies ye la manera de poner igua a los problemes del nuesu pueblu. La manifestación va salir a les 12.30h del Paséu los Álamos y va percorrer les cais del cascu vieyu hasta la Corrada l’Obispu.

 

This work is licensed under a Creative Commons Attribution 4.0 International License.

Dexa una rempuesta

La so direición de corréu lleutrónicu nun sedrá espublizada. Los campos precisos tan marcaos *