• Portada
  • >
  • Mediu Ambiente
  • >
  • Andecha Astur denuncia l’actitú del “Principado” na cuestión del llobu

Andecha Astur denuncia l’actitú del “Principado” na cuestión del llobu

  • 30 Agostu, 2017

Acusen a la conseyería d’infraestructures de  dedícase a enguizar ecoloxistes y ganaeros en cuentes de dar soluciones al problema del llobu: “El Principado usa’l llobu pa tapecer la destruición del texíu agroganaderu nel nuesu país”

Les recientes declaraciones del nuevu Conseyeru d’Infraestructures y Mediu Ambiente del “Principado”,  Fernando Lastra, anunciando la so decisión d’aumentar en dos el númberu de llobos a cazar dientro de la reserva de Picos na so fastera asturiana nun dexen indiferente a naide y son l’amuesa de que la so intención ye la de continuar la deficiente política institucional siguía fasta agora na cuestión, que nun convence a ganaeros nin a ecoloxistes, pero que los caltién en griesca continua.

Dalgunes de les propuestes pa salir d’esti bardial son el sofitu a les midíes preventives, endemasiao costoses pa ser enfrentaes exclusivamente polos ganaeros, la meyora y control de les indemnizaciones  o dalgunes tan anovaores como los controles mediante dron, la istalación de señales acústiques que torguen la entrada a los llobos en determinaes fasteres a traviés d’infrasoníos, o la capadura seleutiva de femes que torgue’l xorrecimientu esponencial de la especie, midíes que -pesi a cuntar con una fonte de financiación al traviés de los fondos europeos- tan siendo obviaes pola alministración asturiana, “a quien nun interesa una solución real y que tolo soluciona ordenando más muertes de llobos, nesti casu camudando los alcuerdos algamaos pa ordenar l’abatimientu d’otros dos na vertiente asturiana del parque Nacional de Picos, onde ya s’autorizare la muerte d’otros cuatro exemplares recientemente.”

La organización destaca que los dos seutores implicaos, ecoloxistes y ganaeros son de vital importancia nel caltenimientu de la biosfera y de les formes de vida más tradicionales del país y que l’enfrentamientu nel que les caltién la política del Principado nun fai sinón torgar el natural entendimientu de dos grupos enfotaos na convivencia cola ñatura.

“Metantu y non” -recalquen- ” sigue tapeciéndose’l problema principal: el caón al que llevaren al conxuntu del seutor agroganaderu asturianu y la falta de perspeutives y futuru al que lu conderguen les polítiques españoles cola collaboración del gobiernu sucursal del “Principado”.

Redaición InfoAsturies

 

This work is licensed under a Creative Commons Attribution 4.0 International License.

Dexa una rempuesta

La so direición de corréu lleutrónicu nun sedrá espublizada. Los campos precisos tan marcaos *

Este sitio emprega Akismet para reducir o spam. Aprende como se procesan os datos dos teus comentarios.

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies. ACEPTAR

Aviso de cookies