Pa esta temporada los dos clubs caltendrán una estrecha colaboración y la integración dafechu sedrá pal añu viniente

La pasada temporada los dos clubs ya firmaren un primer alcuerdu en virtú del que l’equipu femenín carbayón xugó la fase d’ascensu a Primer División con una camiseta azul na qu’apaecíen los escudos del Real Uviéu y del Uviéu Moderno.

De magar esti domingu, nel estrenu en lliga del Real Uviéu Femenín ante’l Racing Femenín, l’equipu ya vistirá la mesma camiseta que lluz el primer equipu masculín del Uviéu. Sicasí, pel intre siguen siendo dos clubs estremaos compartiendo la equipación, col envís de ser la mesma entidá na próxima temporada

El Moderno ye un referente peremportante nel fúbol femenín y  l’equipu de muyeres más importante d’ Asturies. Fundáu en 1980 en La Corredoria, barriu carbayón nel que donde xuega los sos partíos, lleva dellos años alternando la Primer y la Segunda División, na que s’alcuentra agora tres del so descensu na temporada 2015-16. Anantes d’esi descensu  llevaba tres campañes siguíes en primera, categoría a la que fadrá por volver esti añu, col sofitu del Uviéu F. C.

Nel Dos Santos

This work is licensed under a Creative Commons Attribution 4.0 International License.