Folixa pola Paz en refuga al Festival Aereu de Xixón

  • 24 Xunetu, 2017

Dellos coleutivos contrarios a la celebración del  XII Festival Aereu de Xixón cellebraron el domingu una Folixa pola Paz nel Muséu del Pueblu d’Asturies

El Conseyu de la Mocedá de Xixón, Aición en Red Asturies y la Coordinadora d’ONGD del Principáu d’Asturies foron los principales organizaores de la Folixa pola Paz, cellebración que va faciéndose un referente del refugu ciudadanu a les demostraciones militares.

Siendo namás el tercer añu que se cellebra, aconceya a toos aquellos que prefieren disfrutar del branu xixonés con xuegos, música y cultura meyor que con ruíos, contaminación y símbolos de poder militar español.

La organización presentaba la Folixa “como un espaciu abiertu col oxetivu d’esparder los principios de Paz y Non Violencia en contraposición a la celebración del Festival Aereu Militar de Xixón, que  baxo los sos valores probelicistes oculten los valores de violencia, obediencia acrítica y despreciu pola vida humana que constitúin la base de los exércitos”.

La folixa entamaba a mediudíe, colos primeros aviones runfiando ya de fondo, cola actuación d’un grupu de teatru mozu, Actuación Improvisada, que fizo una perfomance pa la presentación del manifiestu de la xornada.

Darréu, les persones que s’averaron al Pueblu d’Asturies pudieron esfrutar de múltiples actividaes, dirixíes tanto a un públicu adultu como a la reciella: talleres de chapes, globos y pintacares, una amuesa de graffiti en direutu, cuentacuentos, l’actuación d’Os Penoutas, un taller de danza y los conciertos de Buen Suceso y MyVestal, presllando una folixa na qu’había muncho más que facer que mirar al cielu a ver si cayíen bombes. Porque la guerra, como se dixo delles vegaes a lo llargo la xornada “Nun ye un espectáculu, nin un xuegu.”

Llucía F. Marqués

 

This work is licensed under a Creative Commons Attribution 4.0 International License.

Dexa una rempuesta

La so direición de corréu lleutrónicu nun sedrá espublizada. Los campos precisos tan marcaos *

Este sitio emprega Akismet para reducir o spam. Aprende como se procesan os datos dos teus comentarios.

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies. ACEPTAR

Aviso de cookies