Los cuadros de dolce reis asturianos na esposición de ‘Los rostros de la monarquía asturiana’, que va permanecer abierta’l públicu dica’l 20 d’agostu na Sala de Trascorrales n’Uviéu
Na esposición ufiértase un perrápidu viaxe al traviés de la hestoria’l Reinu d’Asturies, al traviés d’una serie d’oxetos y cuadros –fasta agora espuestos nes parés del Plenu de la Casa Conceyu d’Uviéu- pente los que destaquen 12 de los 14 semeyes de los monarques asturianos realizaos pol pintor José Luis Rodríguez de Losada ente 1890 y 1892 y cola que se pretende visibilizar esta importante dómina de la nuesa hestoria nacional.
Tanto nos actuales planes d’estudiu como nos de les caberes décades, la hestoria d’Asturies malpenes s’estudia, nin en primaria nin en secundaria, polo que’l desconocimientu de la población sobro la hestoria del nuesu propiu país ye enorme y ta, amás, agravada pola bayura de mitos estranxerizantes; esti tipu d’iniciatives constitúin siquier un mediu d’averamientu y visibilización de delles de les figures más relevantes del nuesu pasáu.
Llucía F. Marqués
This work is licensed under a Creative Commons Attribution 4.0 International License.
