El presidente norteamericanu visitó al Papa Francisco
Col fin d’abrir un canal de diálogu directu ente ellos, Trump y el Papa, dos personalidaes de proyección mundial con posiciones mui estremaes en materies como inmigración, ecoloxía, la guerra o la probitú, conversaron a lo llargo d’una media hora nel Vaticanu.
Según el comunicáu del Vaticanu, que nun especifica cuales foron los asuntos trataos, «mientres les cordiales conversaciones, se espresó la satisfacción poles bones rellaciones billaterales esistentes ente la Santa Sede y los Estaos Uníos d’América, asina como pol compromisu común en favor de la vida y de la llibertá relixosa y de conciencia».
El testu tamién recueye que «se manifestó’l deseu d’una collaboración estable ente l’Estáu y la Ilesia Católica nos Estaos Uníos, comprometida nel serviciu a la población nos campos de la salú, la educación y l’asistencia a los inmigrantes».
El comunicáu menciona, namás al final, la política internacional: «Les conversaciones tamién permitieron un intercambiu d’opiniones sobre dalgunos temes rellacionaos cola actualidá internacional y cola promoción de la paz nel mundiu al traviés de la negociación política y el diálogu interrelixosou, con especial referencia a la situación n’Oriente Mediu y a la tutela de les comunidaes cristianes».
This work is licensed under a Creative Commons Attribution 4.0 International License.
