Taba premiáu con dellos títulos asturianos en pesu llixeru

Les artes marciales tan de llutu nel nuesu país tres el fallecimientu d’Aldolfo Montero a los 47 años de edá. Cinturón prietu 2º Dan, practicaba el xudu dende mui mozu nel Club Gandoy de Xixón, en Cimavilla. Taba premiáu con dellos títulos asturianos en pesu llixeru, y compitió cola selección asturiana n’estremaos campeonatos a nivel estatal, ente los que destaca un cuadrangular del Norte, col País Vascu y Cantabria nel que foi campeón. Tampoco se pue escaecer el so llabor como docente d’esti deporte olímpicu, yá que impartió clases en dalgunos clubes de la ciudá.

This work is licensed under a Creative Commons Attribution 4.0 International License.