• Portada
  • >
  • Ensi​n categoría
  • >
  • Andecha Astur llama a tomar midíes práutiques que garanticen la reconocencia oficial del asturianu

Andecha Astur llama a tomar midíes práutiques que garanticen la reconocencia oficial del asturianu

  • 8 Mayu, 2017

Propón desixir a Podemos ya IU que se comprometan col asturianu y abandonen el posturéu, aprebando Ordenances Municipales d`Oficialidá, y considera que la campaña pa la reforma del estatutu ye invidable al desixir el sofitu de PP/PSOE y no servirá más que pal llucimientu de Podemos ya IU a costa de la frustración social.

Cola claridá que la carauteriza, Andecha Astur vien d`emitir un comunicáu nel que considera qu`esti postrer díi de les Lletres Asturianes “tien de marcar un puntu d`inflexón ente les polítiques de xestos y la política de fechos y drechos”, considerando que siendo conocía la posición antidemocrática de PSOE Y PP no qu`a la llingua asturiana se refier, y “cuando yá fadia`l continuu posturéu y les declaraciones tan gradilocuentes como inútiles de los que dicen ser favorables a la reconocencia democrática del asturianu, ello ye la Oficialidá -Podemos, IU- faise preciso francer con esa dinámica de xestos ensin fechos y forciar el compromisu de quien, tando nes sos manes avanzar na reconocencia llegal y na normalización social de la nuesa llingua, prefier quedar nuna política de xestos ensin fechos”.

Nel mesmu sen, y tres analizar la propuesta de reformar l`estatutu pa que reconoza la Oficialidá, llega a la concluxón de que numbéricamente ye invidable ensin cuntar col sofitu del PSOE/PP, polo qu`a la fin, tou esi procesu de “reforma imposible” acabará siendo otra campaña de posturéu pal llucimientu de Podemos ya IU, que finará ensin dengún avance, y a costa de mas frustración social”.

Ello asina, propón que “sabiendo d`antemán onde va llevamos semeyante iniciativa, Andecha Astur plantega que p`avanzar na reconocencia llegal del asturianu ye preciso forciar precisamente a aquellos que presumen de defendelu y lu aprofiten mediáticamente, pero que nun fain un res por ello na so política diaria”, faise preciso palntegar l`aprebación d`Ordenances Municipales d`Oficialidá, siguiendo l`exemplu d`ayuntamientos como Bimenes o Noreña.

Nesi sen remembra que “los ayuntamientos onde eses fuercies cunten col gobiernu, formen parte d`elli, o lu condiciones, los drechos llingüísticos reconocíos llegalmente a los vecinos son los mesmos que los de los ayuntamientos del PP o del PSOE: Dengún”.

P`Andecha Astur, ye preciso forciar a la coherencia a podemos ya IU “que dexe de salir gratis el llucimientu políticu y qu`escomience a faese efeutivu ellí per onde ye posible” refugando una reforma estatutaria que considera imposible y enfotándose “nos ayuntamientos, y concretamente n`aquellos onde ye vidable, polo menos n`aquellos onde Podemos ya IU son el gobierni, formen parte d`elli o lu condicionen: Castrillón, Grau, Illas, Llangréu, Mieres, Riosa, Teberga, Uviéu, Xixón… ” que remembra, afeuten direutamente a más del 70% de la población asturiano.

This work is licensed under a Creative Commons Attribution 4.0 International License.

Dexa una rempuesta

La so direición de corréu lleutrónicu nun sedrá espublizada. Los campos precisos tan marcaos *