Cellebrarán un total de cinco Asamblees informatives nes que darán a conocer les sos futures actuaciones en defensa del drechu a una pensión digna

Baxo’l llema “La pensión ye un drechu, defendela una obligación”, l’Asociación de Pensionistes conviden a informase de los problemes y les menacies d’empeoramientu que recaen nesti coleutivu: el desaxeráu preciu de les melecines, les ruines pensiones de viudedá, la privatización sanitaria, el vaciáu de les buches de pensiones…

Les dos primeres asamblees tendrán llugar mañana mesmo, a les 11 la mañana nel  Cientru Municipal de l’Arena y a les 6 de la tardi nel de la Calzada. El miércoles 26, toca’l turnu al barriu del Llano, tamién a les 6 de la tardi, ya’l 27 pela mañá tarán informando nel C.M Xixón Sur/Pumarín. El caberu d’estos aconceyamientos sedrá na mesma sede de l’Asociación de Pensionistes, na cai Puertu Cerréu, a les once de la mañana del sábadu 28 d’abril.

Dende l’Asociación de Pensionistes de Xixón afalen a toos a acudir ya informase de los pelligros que cuerren les nueses pensiones y a participar activamente na llucha escontra la pérdida de drechos.

Llucía Fernández Marqués

This work is licensed under a Creative Commons Attribution 4.0 International License.