La falta de lluvies, el xorrecimientu costante la contaminación y l’intensu floriamientu de les gramínees converten esti mes el nuesu aire nun coctel esplosivu pa les persones con afeciones respiratories

Los primeros efeutos d’esta primavera, desaxeradamente seca -llovió un  50% menos de lo avezao-, a la que se xunen les continues alertes por contaminación, yá se fixeron notar: Dispárense los ingresos hospitalarios n’Asturies por causes respiratories.

Nesti mes algamemos records de contaminación na comarca d’Avilés, nes Cuenques, en Xixón, n’Uviéu… les alarmes son continues y algamen valores estratosféricos, ensin qu’eso repercuta en nengún tipu d’aición pa poner fin al problema.

La falta de precipitaciones, amás de nun llimpiar l’aire, favorez les quemes y fai pol floriamientu de les gramínees. Afortunadamente, el fuerte vientu ta aidando a esparder dambos elementos, el polen y les partícules.

Seya que non y considerando que lo peor ta entá por llegar, encamientase a les persones con alerxes que siempres que tea na so mano eviten facer esporte nin trabayos nel esterior, evitar pasiar per zones con yerba alto, usar gafes de sol y presllar tantu les ventanes de casa como los ventanos de los vehículos nos que viaxen.

This work is licensed under a Creative Commons Attribution 4.0 International License.