Firefox n’asturianu gracies a Softastur

  • 15 Marzu, 2017

Ficiéronlo otra vegada, trés de siete años llevando col so llabor l’asturianu a los ordenaores, agora Softastur llévólu a los smartphones

De magar el 14 de marzu ye posible utilizar la versión de Firefox n’asturianu nos “teléfonos intelixentes” (smartphones). La llabor de Softastur na normalización de la nuesa llingua nes redes da un pasu más con esti meyora que dexa tantu a los usuarios d’Android comu a los d’iOS alcontrar el guetaor Firefox n’asturianu nes sos respeutives tiendes d’aplicaciones.

Pa istalar esta aplicación namái se tien que baxar Firefox dende Google Play (p’Android v5.0+) o App Store (iOS 9) o a traviés de les sos correspondientes páxines web, ello ye, l’aplicación p’Android, l’aplicación pa versiones menores de la v5.0 o bien  la versión pa iOS. En tolos casos tien de dise darréu a los axustes del Smartphone y camudar na configuración la llingua a asturianu.

La importancia d’esti meyora anicia non solu na satisfaición del usuariu asturianu que puede por fin usar la so llingua con normalidá, sinón tamién na non menos importante visibilización nes redes, comu destaquen los responsables de Softastur “Porque la to llingua identifícate y faite visible na rede”

This work is licensed under a Creative Commons Attribution 4.0 International License.

Dexa una rempuesta

La so direición de corréu lleutrónicu nun sedrá espublizada. Los campos precisos tan marcaos *

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies. ACEPTAR

Aviso de cookies