Biciescuela en Xixón

  • 13 Marzu, 2017

L’asociación de ciclismu urbanu Asturies ConBici entama talleres a dellos niveles y pa toles edaes nos que deprender a andar en bicicleta

L’enfotu d’esta asociación ye promover l’usu de la bicicleta como mediu de tresporte caltenible y dientro les sos actividaes tan les clases de ciclismu, organizaes en cuatro niveles de dificultá creciente nos que deprenderán a circular en bicicleta de mena autónoma y segura.

El primer taller, de nivel cero, impartióse esti sábadu al par del Palaciu d’Esportes de La Guía y enllenó toles sos places con biciescolinos dando les sos primeres pedalaes n’equilibriu.

Esta actividá, que se dirá repitiendo a lo llargo de la primavera, ye de baldre y tien una duración averada de dos hores. A ella pueden apuntase grandes y piqueños, ensin llende d’edá, en grupinos de diez presones.

P’apuntase, dirixise a Asturies con Bici.

This work is licensed under a Creative Commons Attribution 4.0 International License.

Dexa una rempuesta

La so direición de corréu lleutrónicu nun sedrá espublizada. Los campos precisos tan marcaos *

Este sitio emprega Akismet para reducir o spam. Aprende como se procesan os datos dos teus comentarios.

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies. ACEPTAR

Aviso de cookies