• Portada
  • >
  • Otres
  • >
  • Paragües escontra conciertos (educativos)

Paragües escontra conciertos (educativos)

  • 3 Febreiro, 2017

Los estudiantes asturianos nun tan a teya vana, tan protexios pol enfotu de numberosos colleutivos qu’abren el so paragües, baxo’l llema “Escuela Pública” en demanda d’una educación asturiana pública de calidá

Como adelantu de la Güelga d’educación del 9 M, en Xixón ya entamaron les movilizaciones.  El pasucais y posterior concentración que percorrió delles cais de la ciodá baxo los paragües colloraos de “Escuela Pública” xunió a estremaos colleutivos, sociales, sindicales, d’estudiantes y de pás, implicaos cola reclamación d’una educación pública de calidá.

Si na concentración de Xixón el tema principal pol que se protestó foi l’emportante sofitu económicu que les alministraciones dan a escueles privaes a traviés de los conciertos educativos, na xornada convocada poles muerganizaciones sindicales d’escolinos, pas y profesores de la Plataforma Estatal pola Defensa de la Escuela

Denuncien que la LOMCE continúa en vigor, negociándose a nivel esclusivamente políticu y non social y retrasando los plazos no que paez una nidia intención de que’l posible alcuerdu se dilate nel tiempu demientres la polémica llei y los recortes que trai consigo siguen aplicándose.

Arriendes de les nueve muerganizaciones pertenecientes a la Plataforma, dan el so sofitu a esta movilización  dellos coleutivos asturianos, comu’l Sindicatu d’enseñantes SUATEA, Andecha Mocedá ya’l Sindicatu d’estudiantes LlEA  (Llibertá Estudiantil Asturiana). Andecha Mocedá amestará a tolos pidimientos l’avanzar haza un modelu propiu d’Educación Pública Asturiana encontiada na llingua y cultura d’Asturies y con referentes culturales respetuosos cola socioloxía ya identidá asturiana, al empar qu’empobinaos a algamar una sociedá xusta, igualitaria, solidaria y non patriarcal.

Remembramos que la convocatoria de güelga sedrá xeneral, convocando tanto a estudiantes comu a profesores en tolos niveles educativos, dende Infantil fasta la Universidá y que dirá acompangada de movilizaciones de les qu’entá nun se conoz la hora.

This work is licensed under a Creative Commons Attribution 4.0 International License.

Deixa unha resposta

O teu enderezo electrónico non se publicará Os campos obrigatorios están marcados con *