1.500 escolinos de los IES d’Asturies acudieron a XEGA pa recibir orientación y sofitu.

El serviciu prestáu por XEGA, el colleutivu de llesbianes, gais, transesuales y bisesuales d’Asturies, a traviés del so Serviciu d’ Orientación y Apoyu a la mocedá  LGTB furrula de magar el 2.015 y ta concebíu pa prestar especial atención a la xente mozo que busca  información y orientación sobre cuestiones LGTB. A elli acudieron escolinos de 19 conceyos asturianos pa consultar duldes relatives a la so orientación sesual o la so  identidá de xéneru, con un total de 1.447 casos atendios polos voluntarios de XEGA nel  cursu 2.015/2.016.

En Xixón, conceyu que rexistró mayor númberu de consultes (542, más d’un terciu del total) vien d’abrise un  Serviciu d’Orientación y Sofitu a mocedá LGTB allugáu na sede del Conseyu de Mocedá de Xixón. Esti serviciu entamóse pa prestar especial a adolescentes y xóvenes que busquen información o precisen orientación en cuestiones LGTB. El serviciu ta disponible tolos xueves de cinco a siete, seique tamién ye posible concertar una entrevista presonalizada a traviés de la so páxina web.

Arriendes d’ello XEGA entama pal 11 febreru el so VIII cursu de formación de mediadores, destináu a educadores, nel que ser tratarán conceutos básicos, hestoria de los LGTB o como tratar la LGTB fobia nes aules.

This work is licensed under a Creative Commons Attribution 4.0 International License.